Desh Duniya Ki Khabrein: Telangana Ma Sardi, Jubilee Hills Chunav, Drone Se Nigrani Aur Haj Mein Nayi Technology
News Round-up Ek Nazar ma
Telangana aur desh bhar mein aaj kai badi khabrein samne aayi hain — CM Revanth Reddy ne UMEED portal ki mohlat badhane ki darkhwast ki, Hyderabad ka Mir Alam Tank naya tourist spot banne ja raha hai, Jubilee Hills ke intakhabat mein garam maahaul aur exit polls mein Congress aage, sardi ne Telangana ko lapet liya, aur Haj season mein Saudi Arabia ne medicine aur blood samples ke liye drone use karna shuru kar diya hai,Sub ek jagah Simple Hinlish Mein.
Telangana aur Hyderabad ki Khabrein
Jubilee Hills Exit Polls : Congress Ko Mil Sakti Hai Bartari
Polling Ka Amal Mukammal, Ab Nazar Exit Polls Par
Jubilee Hills ke Zimni Intakhaab ke liye polling ka amal mukammal ho chuka hai aur ab mukhtalif exit polls ke nateeje saamne aa rahe hain. Zyadatar surveys Congress ke haq mein jaate hue nazar aa rahe hain.Chanakya Strategies Ka Survey
Chanakya Strategies ke mutabiq Congress ko 46%, BRS ko 43% aur BJP ko 6% vote milne ka imkaan zahir kiya gaya hai.HMR Survey Ke Nateeje
HMR Survey ke mutabiq Congress ko 48.3%, Bharat Rashtra Samithi ko 43.18% aur BJP ko 5.84% vote milne ki tawaqqo hai.Smart Poll Survey Ka Andaza
Smart Poll Survey ne bataya ke Congress ko 48.2%, BRS ko 42.1%, BJP ko 7.6% aur deegar ummeedwaron ko 2.1% vote milne ka imkaan hai.
Congress Ke Haq Mein Rujhanaat
Mukhtalif surveys ke nateejon ko dekhte hue ye andaza lagaya ja raha hai ke Congress ko Jubilee Hills ke Zimni Intakhaab mein waazeh bartari hasil ho sakti hai.
Jubilee Hills Ma 48.42% Voting, Raye Dahindon ma Kami Nazar
Voters Mein Josh Kam Raha
Jubilee Hills Assembly Halka ke Zimni Chunav mein sirf 48.42% voting hui. Election Commission ke mutabiq shaam tak itni hi raayedahi record ki gayi. Voters ke be-rukhi bharte hue temperature ke saath political parties ke liye bhi mayoosi ka sabab bani.Muslim Aqliyati Ilaaqon Mein Behtar Raayedahi
Halke ke kuch Muslim aqliyati ilaqon jaise Sheikhpet, Erragadda aur Rehmat Nagar ke polling booths par kuch behtari dekhi gayi jahan voters ne qataar bana kar apni raaye di.Intizamaat Aur Ghair Mukami Afraad Ki Harakatein
Election Commission ne kaha ke polling ko azaad aur munsifana banane ke liye poore intizamaat kiye gaye the, lekin kuch jagahon par ghair mukami afraad ki harkatein ruki nahi ja sakin. Police ke maujood hone ke bawajood kuch halke hadsaat pesh aaye.BRS Aur Congress Mein Tanaav
Polling ke dauran BRS aur Congress ke kaarkunon ke darmiyan chhoti moti takraar aur tasaadum ke waaqeyaat bhi samne aaye, jise police ne turant qaboo mein le liya.Voting Mein Thoda Sa Izaafa
Shaam tak poora polling amal mukammal hua aur majmui taur par 48.43% voting record ki gayi, jo 2023 ke Aam Intakhabaat ke 48.42% ke muqable mein sirf ek mamooli behtari hai.
Mulk Ma Pehli Martaba Drone Se Polling Ki Nigrani Ka Tajurba
Hyderabad Mein Naya Intakhabi Tajurba
Zila Electoral Officer Hyderabad ki nigrani mein Hindustan ke intakhabi tareekh mein pehli dafa maraakiz-e-raayedahi par drone cameras ka istemaal kiya gaya. Is naye tajurbe ka maqsad polling ke dauran behtareen nigrani aur pur-aman mahaul ko yaqini banana tha.Election Commission Ko Muttala Karke Iqdaam
District Electoral Officer ne Election Commission of India ko muttala karte hue police ke taawun se drone cameras ke zariye poore polling process par nazar rakhi. Is qadam se polling ke dauran kisi bhi ghalat harkat ya bheed par foran nigrani mumkin hui.Drone Cameras Ka Wasee Istemaal
Jubilee Hills Assembly Halka ke 407 maraakiz-e-raayedahi par police aur intakhabi ohdedaron ne milkar 149 drone cameras ka istemaal kiya. Kai maqamaat par drone ke zariye bheed par nazar rakhi gayi aur zarurat parne par jama hujoom ko muntashir bhi kiya gaya.Pur-Aman Polling Ki Kamiabi
Is naye tajurbe ne ye sabit kar diya ke taknology ke zariye intakhabat ko aur bhi behtar, nigrani shuda aur pur-aman banaya ja sakta hai.
Hyderabad Ka Tarikhi Mir Alam Tank Banega Siyahati Markaz
Hukoomat Ka Naya Qadam
Riyasati hukoomat ne Hyderabad ke mashhoor aur qudrati khubsurti se bharpur Mir Alam Tank ko ek naye andaaz mein tarrakki dene ka faisla kiya hai. Is jagah ko ab ek aise siyahati markaz ke taur par tayyar kiya ja raha hai jo desi aur pardesi dono tourists ko apni taraf kheench sake.Modern Bridge Ki Taameer Ka Faisla
Is project ke tahat Mir Alam Tank par ek misaali bridge banaya jaayega jisse yeh ilaqa aur bhi khubsurat nazar aayega. Hukoomat ne is bridge ke liye manzoori de di hai jiska design aur quality dono international level ke honge.Bridge Ki Tafseelat Aur Taameer Ka Amal
Bengaluru National Highway par Shastripuram se Chintalmet tak 2.5 kilometer lamba aur 16.5 meter chauda bridge taameer kiya jaayega. Is project ki zimmedari KNR Construction Limited ko di gayi hai aur is par lagbhag 319 crore rupaye kharch honge.
Nayi Pehchaan Ki Ibtida
Is bridge aur development project ke baad Mir Alam Tank sirf Hyderabad ka nahi balki Telangana ka ek naya tourism hotspot banne ja raha hai.
Revanth Reddy Ne PM Se UMEED Portal Ki Mohlat Maangi
Telangana CM Ka Markazi Hukoomat Ko Khat
Telangana ke Chief Minister Revanth Reddy ne Wazir-e-Azam Narendra Modi ko ek letter bhej kar yeh darkhwast ki hai ke Auqaf jaaydadon ka record UMEED portal par upload karne ki deadline mein ek saal ka izafa kiya jaye. Filhaal is ka aakhri din 5 December 2025 tay hua hai.Purane Record Aur Takhniki Masail
Revanth Reddy ne kaha ke Telangana mein Auqaf jaaydadon ke record sadiyon purane hain aur alag alag daftaron jaise Archives, Revenue aur Endowments Departments mein mehfooz hain. In sab ki tasdeek aur data jama karne mein waqt lag raha hai. Unhone yeh bhi bataya ke UMEED portal mein takhniki masail ke chalte kaam dhang se nahi ho pa raha.Mutawalliyon Ki Tarbiyat Aur Taiyari
Chief Minister ne kaha ke kai Mutawalli abhi online registration ke process se waqif nahi hain. Isliye hukoomat ne unke liye training ka intezam kiya hai taake wo system ko samajh kar asaani se record upload kar sakein.
Tausee Se Milegi Shafafiyat Aur Sahulat
Revanth Reddy ne zor diya ke agar ek saal ki mohlat mil jaaye to riyasat sab jaaydadon ka sahi aur mukammal data UMEED portal par shaffaf tareeke se upload kar payegi.
Jubilee Hills Ma Zabta Ikhlaq Ki Khilaafwarzi Par Case Darj
Polling Ke Dauran Rule Violation Ka Maamla
Hyderabad ke Jubilee Hills Zimni Intakhaab ke dauran Zabta Ikhlaq ki khilaafwarzi ke maamle mein police ne Congress ke kuch Arkaan-e-Assembly ke khilaf case darj kiya hai.Teen MLAs Par Police Case
Ittelaat ke mutabiq Aler ke MLA Birla Ilaiah, Yerra ke MLA Maloth Ramdas aur Dodangal ke MLA Ramchandra Naik ke khilaf Mathura Nagar Police Station mein muqadma darj kiya gaya.Polling Booth Par Ghalat Dakhla Andazi
Bataya jaata hai ke yeh teeno MLAs MLC Shankar ke saath polling booths ka daura kar rahe the. Election Commission ne is par notice lete hue kaha ke inka yeh amal voters par asar andaaz hone ki koshish tha, jo zabta ikhlaq ki khilaafwarzi ke zumer mein aata hai.
Election Commission Ki Turant Karwai
Commission ne fauri taur par inke khilaf karwai ke ahkaam jaari kiye hain aur police se poori report talabi hai taake maamle ki tahqiqat ki ja sake.
Congress Ka Daawa: Naveen Yadav Kamyabi Ki Raah Par
Polling Rujhanaat Mein Congress Ka Palra Bhaari
Jubilee Hills ke Zimni Intakhaab ke dauran milne wale rujhanaat aur zameeni satah par party karkunon se milne wali reports ke mutabiq, Congress ke ummeedwaar Naveen Yadav bhaari aksariyat se kamyabi hasil karne wale hain.PCC Sadar Ka Bayan
Telangana Pradesh Congress Committee ke Sadar Mahesh Kumar Goud ne kaha ke poora intakhabi amal pur-aman mahaul mein mukammal hua. Unhone bataya ke mukami satah par milne wali ittelaat yeh sabit karti hain ke Congress aur uske ummeedwaar ko logon ki mazboot himayat mili hai.
Party Karkunon Ki Mehnat Ka Eteraf
Mahesh Kumar Goud ne Congress karkunon aur rehnamaon ka shukriya ada karte hue kaha ke unki lagan aur mehnat ke nateeje mein party ko yeh positive rujhanaat mil rahe hain. Unhone umeed zahir ki ke Naveen Yadav ki kamyabi se Jubilee Hills mein Congress ki position mazboot hogi.
Telangana Ma Sardi Ne Dastak -Asifabad Ma Sirf 8°C Tak Gira
Sardi Ka Daur Shuru, Har Din Badh Rahi Hai Thandak
Telangana mein sardi apne shuruati marahil mein hai lekin har guzarte din ke saath iski shiddat mein izaafa ho raha hai.Sabse Thanda Sheher - Asifabad
Kumaram Bheem Asifabad mein aaj subah kam se kam darja-e-hararat sirf 8.7Celsius record kiya gaya, jabki Adilabad mein 10.2 Celsius raha.Doctoron Ki Hidayat
Doctoron ne mashwara diya hai ke buzurgon aur bachchon ko khaas tor par raat aur subah ke waqt ghar se baahar nikalne se parhez karna chahiye.Aane Wale Dinon Mein Aur Gir Sakta Hai Hararat
Mausam ke maharin ke mutabiq, agle chand dinon mein Telangana ke kuch ilaakon mein sardi aur tez ho sakti hai.
Telangana ke Siddipet Ma Tendua Se Paida Hui Darr Ki Lehar
Gaon Mein Khauf Ka Mahaul
Telangana ke Siddipet ke Gudgupalli gaon mein logon mein afra tafri mach gayi jab kisano ne insani aabadi ke paas ek tendua dekha. Kheton ki taraf gaye kuch kisano ne tendue ko jhaadiyon mein chhupa hua paaya aur uski video banakar Forest Department ke afsaron ko bhej di.Forest Department Ki Turant Karwai
Video milte hi Forest Department ke afsar foran mauke par pahunch gaye. Unhone tendue ko mehfooz tareeke se jangal ki taraf waapas bhejne ki koshish shuru kar di.Lokon Ko Hidayat Aur Ihtiyaat
Forest afsaron ne gaon walon se appeal ki hai ki woh akela bahar na nikle aur kheton mein jaate waqt apne saath laathi zarur le kar jayein.
Log Abhi Bhi Darr Mein
Tendue ki maujoodgi se gaon ke log abhi bhi khauf mein hain aur har koi apni hifazat ko lekar satark hai.
Kiraya Na Dene Par ghar owner Ne Govt School Ka Gate Band
Talba Ko School Ke Bahar Intezaar Karna Pada
Telangana ke Suryapet Town ke Tilak Nagar mein ek ajeeb haadsa dekha gaya jab Government Primary School ke bachchon ko subah school ke gate ke bahar hi rukna pada. School ke maalik ne kiraaya ada na hone par imaarat ka gate band kar diya. Is school mein takreeban 80 bachche taleem hasil kar rahe the jo mamool ke mutabiq subah pahunche toh darwaza band paaya.Kiraaye Ki Adaigi Mein Der Ki Wajah Se Paida Hua Masla
Maloom hua ke Mehakma Taleem pichle 30 mahino se imaarat ka kiraaya ada nahi kar paaya tha. Isi wajah se maalik-e-makaan ne majbooran imaarat ko taala laga diya.Afsaaraan Ki Turant Karwai
Mandal Education Officer Srinivas foran mauke par pahunche aur bachchon ke liye aarzi taur par isi colony ke Zilla Parishad High School mein taleem jaari rakhne ke intezamaat kiye.
Masla Suljha Aur Gate Dobara Khula
Zilla Education Officer K. Ashok ne bataya ke imaarat ke kiraaye ke 3.4 lakh rupaye baqi hain. Unhone school ke maalik se baat karke yaqeen dilaya ke baqaya raqam jald ada kar di jaayegi. Is yaqeen ke baad maalik ne gate khol diya aur DEO ne tasdeeq ki ke school ki classes ab dobara mamool ke mutabiq isi imaarat mein chalengi.
Tufaan Se Mutassir Families ko Telangana Hukomat Ne 13 Crore
Hukoomat Ka Fauri Rahat Package
Telangana hukoomat ne Tufaan Michaung ke baad mausla dhar barish se nuksaan uthane wale khandanon ke liye fauri maali madad ka elan kiya hai. Un khandanon jinke makaanat ko nuksaan hua, unhe har ghar ke liye ₹15,000 ki madad di jaayegi.8,662 Makaanat Ko Nuksaan, ₹12.99 Crore Jaari
Special Chief Secretary Maal Arvind Kumar ke mutabiq zila collectors ke reports ke buniyad par 15 azla mein 8,662 makaanat ko nuksaan pahucha hai. Unhone kaha ke fauri taur par ₹12 crore 99 lakh jaari kar diye gaye hain, jo seedhe mutassira khandanon ke bank accounts mein transfer kiye jaayenge.
Mazid Nuksanat Ka Jaiza Jaari
Arvind Kumar ne kaha ke faslon aur jaaydadon ke nuksan ka takhmeena abhi jaari hai. Reports milne ke baad mazeed madad aur muawzat ke liye zaruri iqdaamaat kiye jaayenge.
Indiramma Housing Scheme ke tahet 18,000 se Zyade Makanat
Ek Hafte Mein ₹20.29 Crore Jaari
Telangana mein Indiramma Housing Scheme ke tahat hukoomat ne ek hafte ke andar istifaada kunandgaan ko ₹20.29 crore jaari kiye hain. Har Peer ke din makaanat ki taameer ke hisaab se bills ki raqam ada ki jaati hai taake kaam lagataar jaari rahe.18,247 Istifaada Kunandgaan Ko Raqam Faraaham
11 November tak 18,247 istifaada kunandgaan ko yeh raqmaat jaari ki gayi. Inmein 4,615 makaan basement tak, 8,517 makaan chhat ki satah tak aur 5,115 makaan slab ki takmeel ke marahil tak pahunch chuke hain.
Ab Tak ₹29 Crore Jaari, 23,000 Se Zyada Makaan Taameer Shuda
Hukoomat ke mutabiq ab tak scheme ke zariye ₹29 crore jaari kiye ja chuke hain. Riyasat bhar mein 23,369 makaanat ki taameer ka aaghaaz ho chuka hai, jo Indiramma Scheme ke zariye gharon ke sapne ko haqeeqat mein badalne ki taraf ek badi qadam hai.
Telangana Ma Kisano Se 8 Lakh Metric Ton Dhan Ki Khareedi
Kharif Season 2025-26 Mein Dugna Izaafa
Riyasati Wazir Civil Supply Uttam Kumar Reddy ne kaha ke Telangana ne Kharif Season 2025-26 mein 8.54 lakh metric ton Dhan ki khareedari karke ek naya record qayam kiya hai. Yeh miqdaar guzishta saal ke muqable mein takreeban dugni hai, jab sirf 3.94 lakh metric ton Dhan khareeda gaya tha.Zila Collectors Ke Saath Video Conference
Uttam Kumar Reddy ne Wazir-e-Zar’at T. Nageswara Rao ke saath milkar Zila Collectors ke saath video conference mein Dhan ki khareedi ke amal ka jaayza liya. Unhone kaha ke hukoomat ka maqsad hai ke har kisan se uska Dhan munasib daam par khareed kar unhe waqt par raqam di jaaye.Dhan Ki Hifazat Ke Liye Hidayatein
Wazir ne ohdedaron ko hidayat di ke mausam ki tabdeeli aur barish ke asraat se Dhan ko nuksaan se bachane ke liye zaruri iqdaamaat kiye jaayen.
Record Khareedi Par Mubarakbaad
Uttam Kumar Reddy ne Zila Collectors aur Civil Supplies ke afsaron ko record miqdaar mein Dhan ki khareedari par mubarakbaad di aur kaha ke yeh Telangana ke kisano ki mehnat aur hukoomat ke behtareen intizamaat ka nateeja hai.
Telangana Mein Maulana Azad Ki Yaad Ma Taqreeb Ka Aayojan
National Education Day Par Ittehaad Aur Taleem Par Zor
Telangana Hukoomat ke Musheer aur Senior Congress Qaaid Mohammed Ali Shabbir ne National Education Day ke mauke par kaha ke Maulana Abul Kalam Azad ke ittehaad, taleem aur khud-par itimad ke paighaam ko dobara apnane ki zarurat hai.Ravindra Bharati Mein Hui Khaas Taqreeb
Yeh khaas taqreeb Ravindra Bharati mein mun’aqid hui jismein Wazir-e-Aqliyati Mehboob Mohammed Azharuddin, Urdu Academy ke Chairman Taher Bin Hamdan aur kai deegar ahkaam ne shirkat ki.Numayan Shakhsiyat Ko Ehtehaaf Aur Awards
Is mauke par Maulana Abul Kalam Azad National Award, Makhdoom Award aur Lifetime Achievement Award un shakhsiyat ko diye gaye jinhone taleem aur samaji khidmat ke maidan mein khaas kirdar ada kiya.Maulana Azad Ki Soch Aaj Bhi Rehnuma
Mohammed Ali Shabbir ne kaha ke Maulana Abul Kalam Azad apne daur ke aise qaaid the jo apni soch aur nazariye mein waqt se bahut aage the. Unka paighaam aaj bhi mulk ke liye rahnumai ka zariya hai.
Telangana MA Sardi Aur Badhegi -Agle 5 Din Tak Tez Ka Imkan
Mehakma Mausamiyat Ki Peshan goi
Mehakma Mausamiyat ke Senior Officer Dharmaraj ne bataya hai ke agle 4 se 5 dinon mein Telangana mein sardi ki shiddat aur badhne wali hai.Hararat Mein Girawat Ka Imkaan
Unke mutabiq, riyasat ke shumali aur wast ilaakon mein raat ke waqt darja-e-hararat mein aam se 3 se 4°C tak girawat aasakti hai.In Ilaakon Mein Zyada Sardi Rahegi
Hyderabad, Siddipet, Nizamabad, Kamareddy aur Medak jaise azla mein sardi ka asar zyada mehsoos kiya jaayega.Kohra Bhi Badhne Ka Imkaan
Subah aur raat ke auqaat mein kohra bhi badh sakta hai, jis se safar mein mushkilat ka samna karna pad sakta hai.
Desh ki Khabrein
Operation Nanhe: 16,450 Bachchon Ko Unke Present Se Milaaya
RPF Ka Insaniyat Bhara Qadam
Railway Protection Force ne ek aham muhim ke zariye un bachchon ko unke ghar walon se milane mein bada kirdaar ada kiya hai jo alag ho gaye ya kho gaye the.Desh Bhar Mein Operation Ka Aaghaz
Is noble koshish ko aur mazboot banane ke liye Operation Nanhe Farishte poore Hindustani Railway network mein shuru kiya gaya hai.Hazaron Bachchon Ki Zindagi Badli
Is operation ke zariye January se October 2025 tak 16,450 bachchon ko bachaya gaya aur unhe unke maa-baap ke hawale kiya gaya.
Delhi Dhamaka:Amit Shah Ka Reaction–Mujrimon Ko Saza
Do Ahm Security Meetings Hui
Markazi Wazir-e-Dakhila Amit Shah ne Lal Qile ke paas hone wale dhamake ke baad do ahem security meetings ki sadaarat ki aur soorat-e-haal ka jaayza liya.NIA Ko Tehqeeqaat Ki Zimmedari Sounpi Gayi
Wizarat-e-Dakhla ne NIA ko dhamake ki tahqiqat ka zimma diya hai taake asal mujrim tak pohoncha ja sake.
Amit Shah Ka Bayan
Unhone kaha, Jo bhi is waqiye ke peeche hai, use chhoda nahi jaayega. Har mujrim ko insaaf ke katghere mein laaya jaayega.
Bihar Election: Doosre Marhale Mein 67% Voting Hui
Voting Ka Josh
Bihar Assembly Election ke doosre aur aakhri marhale mein kal sakht security ke darmiyan shaam tak 67.14% logon ne apna vote daala.Polling Ka Aghaz Aur Intizamat
Riyasati Election Office ke mutabiq, 122 Assembly Halkon mein subah se hi polling ka amal shuru hua tha.Pur-Aman Raayedahi
Zyada tar maraakiz par pur-aman aur munazzam voting dekhne ko mili, jahan log bade shauq se apna haq-e-raayedahi ada karte nazar aaye.
UP Ma Vande Mataram Lazmi Naya Faisla, Nayi Behas
CM Yogi Ka Elan
Uttar Pradesh ke Chief Minister Yogi Adityanath ne elaan kiya hai ke riyasat ke tamaam schools aur colleges mein Vande Mataram ka gaana lazmi hoga.Faisle Ka Maqsad
Unhone kaha ke is iqdaam ka maqsad naujawanon mein hubbul watani (deshbhakti) aur qaumi yakjehti ke jazbe ko mazid mazboot karna hai.Mazhabi Rehnamaon Ka Ehtijaaj
Lekin is bayan ne mazhabi aur siyasi behas ko janam de diya hai.Jamiat Ulema Maharashtra ke Sadar Maulana Halimullah Qasmi ne is faisle ki mazammat karte hue kaha ke agar hukoomat ne aisa hukum nafiz kiya, toh Muslim walidain apne bachchon ko school se nikaal lein, kyunke yeh aain ke khilaf hai.
Mukhtasir Taur Par
Yogi sarkar ke is faisle ne ek baar phir qaumi pehchaan aur dharm-nirpekshta par garam behas chhed di hai.
Videsh ki Khabrein
Haj Time Drones ka Naya Istemaal-Medicine aur Blood Samples
Saudi Wazir-e-Sehat ka Bayan
Saudi Arab ke Wazir-e-Sehat Fahad Al-Jalajel ne kaha hai ke Haj Season ke dauran medicine aur khoon ke samples ki muntaqili ke liye drone technology ka istimaal mazeed barhaya jaayega.Fasahat aur Faida
Unke mutabiq pehle riwaayati gaadiyon se yeh kaam 1.5 se 3 ghante mein hota tha, jabke drone ke zariye sirf 5 se 10 minute mein hi dawaai aur blood samples manzil tak pahunch jaate hain.
Tibbi Khidmaat Mein Nayi Raftaar
Wazir-e-Sehat ne kaha ke is nayi technology se Haj ke dauran tibbi khidmaat ka mayar aur raftar dono behtar honge, aur emergency halat mein mareezon ko fauri madad mil sakegi.Antim shabd
Yeh sab khabrein dikhati hain ke desh aur duniya dono hi tezi se badal rahe hain — kahin siyasat garam hai, kahin mausam sardi laa raha hai, aur kahin technology insani zindagi ko aur aasan bana rahi hai.
Related Post:
🖊️ About the Author
Bharat Batao Team
Hamara mission hai aap tak sahi aur verified news pohchana. Ground level se lekar global headlines tak, hum Bharat Batao ke through bina sensationalism ke clear language me har baat rakhte hai.
Disclaimer: Ye post sirf information ke liye hai. Sari khabrein public aur verified sources aur Koi bhi confusion ya complaint ho toh contact kar sakte hai. Hum fake ya misleading content publish nahi karte.📌Sources: All news compiled from public video reference: Based on viral verified sources:
- Revanth Reddy UMEED portal mohlat
- Mir Alam Tank bridge project
- Mir Alam tourism development
- Jubilee Hills zimni intikhab
- Exit polls Congress lead
- Naveen Yadav ummeedwari
- Intikhabati zabta ikhlaq khilaafwarzi
- Drone se polling nigrani
- Operation Nanhe Farishte RPF
- 16,450 bachchon ki rehayi
- Tufaan Michaung rahat package
- Indiramma housing payments
- Telangana dhan khareedi record
- Suryapet school kiraaya masla
- Maulana Azad Yaum e Paidaish
- Vande Mataram school order UP
- Delhi dhamaka tahqiqat NIA
- Bihar 67% polling
- Telangana sardi aur kohra
- Haj season drone medicine delivery
- News Round-up Ek Nazar ma
- Hinglish news
- Hindi hinglish news
Comments
Post a Comment